नेपाली फुटबल टोली एसियाकपका लागि छनोट हुन असफल

काठमाडौं । नेपाली महिला फुटबल टोली एएफसी वुमन्स एसियन कप २०२२ मा छनोट हुन असफल भएको छ ।

समूहको दोस्रो खेलमा आज हङकङसँग गोलरहित बराबरीमा रोकिएपछि नेपालको यात्रा रोकिएको हो । उज्वेकिस्तानमा भइरहेको समूह एफ अन्तर्गतको दोस्रो खेलमा नेपाल आज हङकङसँग गोलरहित बराबरीमा रोकियो ।

नेपाल समूहको पहिलो खेलमा फिलिपिन्ससँग २–१ ले पराजित भएको थियो । योसँगै नेपाल समूह चरणमा जित निकाल्न असफल भयो ।

एसियन कपका लागि छनोट हुने सम्भावना कायम राख्न नेपालले हङकङलाई हराउनैपर्ने थियो ।
यसअघि तीन पटक एसियन कप खेलिसकेको नेपालले पहिलो पटक छनोट खेलेको हो । जसमा नेपालले दुई खेलबाट १ अंकमात्रै जोड्न सक्यो ।

फिलिपिन्सको ३ अंक छ भने हङकङको एक अंक छ । अब फिलिपिन्स र हङकङबीचको समूह चरणको अन्तिम खेलबाट समूह विजेताको टुंगो लाग्नेछ । समूह विजेताले अर्कोवर्ष भारतमा हुने एसियन कप खेल्नेछ ।