आइसीसी विश्व लिग–२: ओमानद्वारा नेपालसामू १२२ रनको लक्ष्य प्रस्तुत

काठमाडाैं। आइसीसी विश्व क्रिकेट लिग–२ मा ओमानले नेपालसामु १२२ रनको झिनो लक्ष्य पेस गरेको छ।

टस हारेर पहिले ब्याटिङको निम्तो पाएको ओमानले ३७.१ ओभरमा सबै विकेट गुमाएर १२१ रनमात्रै बनाउन सक्यो । नेपाली बलरको धारिलो बलिङसामू ओमानका कुनै ब्याट्सम्यानले खुलेर खेल्न सकेनन्।

ओमानका लागि जिसान मकसुदले ६६ बलमा १ छक्का र २ चाैकासहित सर्वाधिक ४१ रन बनाए भने जितेन्दर सिंहले १३, नसिम खुसीले १२ र कालिमुल्लाहले ११ रन बनाउनुबाहेक अन्य कुनै ब्याट्सम्यानले दोहोरो अंकको रन जोड्न सकेनन्।

नेपालका लागि सन्दीप लामिछानेले ८.१ ओभरमा १८ रन दिएर ४ विकेट लिए भने करण केसीले ८ ओभर बलिङ गर्दै २५ रन खर्चिएर ४ विकेट लिए।
यस्तै शरद भेषावकरले २ विकेट हात पारे ।