काठमाडौं महानगरले निकाल्यो कर नबुझाउने ५२ करदाताको नाममा ३० दिने सूचना

काठमाडौं महानगरपालिकाले समयमै नतिर्ने ५२ करदाताको नाममा सार्वजनिक सूचना निकालेको छ । महानगरपालिकालाई तिर्नुपर्ने घरजग्गा/सम्पत्ति कर पटक पटक पत्राचार गर्दासमेत बुझाउन अटेरी गरेपछि महानगरपालिकाले आइतबार सार्वजनिक सूचना गरी ताकेता गरेको हो ।

कर नतिरेका करदातालाई महानगरको राजश्व समितिमा सम्पर्क गरेर करसहित जरिवाना बुझाउन भनिएको छ ।३० दिनभित्र कर नबुझाएमा सेवा बन्द गर्ने, सम्पत्ति रोक्का गर्नेलगायतका कार्य गरी तिर्न बाँकी रकम सरकारी बाँकी सरह असुलउपर गर्न कानुनी प्रक्रिया अगाडि बढाउने पनि सूचनामा उल्लेख गरिएको छ ।