बालकोट सर्दै ओली

काठमाडौँ । प्रधानमन्त्री केपी शर्मा ओलीले आज प्रधानमन्त्रीको सरकारी निवास बालुवाटार छोड्ने भएका छन् । उनले दिउँसो २ बजेअघि नै बालुवाटार छाड्ने बताइएको छ ।

नेपाली कांग्रेसका सभापति शेरबहादुर देउवा आज प्रधानमन्त्रीमा नियुक्त हुँदैछन् । सर्वोच्च अदालतले प्रतिनिधि सभा विघटन बदर गर्दै देउवालाई प्रधानमन्त्रीमा नियुक्त गर्न परमादेश जारी गरेपछि देउवा आज साँझ ५ बजे प्रधानमन्त्रीका रुपमा सपथ ग्रहण गर्दैछन् ।

देउवाले केपी शर्मा ओलीविरुद्ध गठबन्धन निर्माण गरेका सबै दललाई समेटेर सरकार बनाउने भएका छन् । सोमबार कोटेश्वरमा गठबन्धन बैठकले देउवाले सर्वोच्चको आदेश बमोजिम आज नै शपथ ग्रहण गर्ने र शपथका बेला सबै दलका नेतालाई समेटेर सानो आकारको मन्त्रिपरिषद् बनाउने सहमति गरेको बैठकमा सहभागी कांग्रेस महामन्त्री पूर्णबहादुर खड्काले जानकारी दिए ।