कांग्रेस पदाधिकारी एवं पूर्वपदाधिकारीको बैठक बस्दै

नेपाली कांग्रेसको पदाधिकारी बैठक बस्दै छ । पार्टी मुख्यालय सानेपामा बिहीबार दिउँसो २ बजे पदाधिकार तथा पूर्वपदाधिकारहरूको बैठक बस्न लागेको हो ।

कांग्रेस सभापति शेरबहादुर देउवाले पदाधिकारी तथा पूर्वदाधिकारीहरूको बैठक बोलाएको कांग्रेस नेता बालकृष्ण खाँडले जानकारी दिए । उनका अनुसार बैठकमा कांग्रेसको आसन्न १४औँ महाधिवेशन र पार्टीको आन्तरिक विषयमा छलफल केन्द्रित हुनेछ ।

कांग्रेसको १३औँ महाधिवेशनबाट सदस्यता लिएकाहरूको नवीकरण भइसकेको र नयाँ क्रियाशील सदस्यताको प्रक्रिया अगाडि बढेको छ । अहिले क्रियाशील सदस्यताका सम्बन्धमा रमेश लेखकको संयोजकत्वमा सात सदस्यीय छानबिन समितिले काम अगाडि बढाइरहेको छ ।

पछिल्लो समय फोरम लोकतान्त्रिक, राप्रपा लगायतबाट कांग्रेस प्रवेश गर्नेहरूलाई पनि समायोजन गर्ने काम अगाडि बढिसकेको र यो पूर्ण हुने अवस्थामा पुगेको नेता खाँडले बताए ।

रामचन्द्र पौडेल पक्षले मापदण्ड बनाएर छिट्टै क्रियाशील सदस्यहरूको टुंगो लगाउनुपर्ने माग गर्दै आएको छ ।