कांग्रेसले कानुन लिने, एकीकृत समाजवादीलाई स्वास्थ्य

काठमाडौं । सत्तारूढ गठबन्धनमा मन्त्रालय बाँडफाँडसम्बन्धी नयाँ सहमति भएको छ।

सहमतिअनुसार नेकपा एकीकृत समाजवादीले स्वास्थ्य तथा जनसंख्या मन्त्रालय पाउने भएको छ ।

आफ्नो दलले पाएको मन्त्रालयप्रति समाजवादीका नेताहरुले असन्तुष्टि जनाएका थिए । सत्तारूढ गठबन्धनमा सहभागी दल असन्तुष्ट भएपछि कांग्रेसले कानून, न्याय तथा संसदीय मामिला मन्त्रालय लिएर स्वास्थ्य मन्त्रालय दिने भएको हो ।

अब समाजवादीले स्वास्थ्यसँगै शहरी विकास, संस्कृति पर्यटन तथा नागरिक उड्डयन र श्रम तथा रोजगार मन्त्रालय पाउनेछ।

एकीकृत समाजवादीले मन्त्रीको टुंगो लगाउने जिम्मा भने अध्यक्ष माधवकुमार नेपाललाइ दिएको छ ।