बागमती प्रदेशमा सार्वजनिक यातायातको भाडा २३ प्रतिशत बढ्यो

काठमाडाैं। बागमती प्रदेश सरकारले सार्वजनिक यातायातको भाडादरमा वृद्धि गरेको जनाएको छ ।

प्रदेश सरकारले काठमाडौं उपत्यकाबाहेक प्रदेशभित्र सञ्चालन हुने यात्रुवाहक सार्वजनिक सवारी साधनमा २३ प्रतिशतले भाडादर वृद्धि गरेको छ ।

प्रदेश सरकारको भौतिक पूर्वाधार विकास मन्त्रालयले लागू गरेको भाडादरअनुसार काठमाडौं उपत्यकामा चल्ने यातायातका साधनमा पाँच किमी दूरीसम्मको भाडा १८ कायम गरिएको छ । दश किमीसम्मको २३ रूपैयाँ, १५ किमीसम्मको २७ रूपैयाँ, २० किमीसम्मको ३० रूपैयाँ र २० किमीभन्दा माथिको ३५ रूपैयाँ कायम गरिएको बताइएको छ ।

त्यस्तै भाडामा यात्रुले १५ केजीसम्म निःशुल्क र त्यसमाथि १० केजीसम्म पाँचका दरले सरसामान वा गुन्टा साथमा लैजाने पाउने कायम गरेको जनाइएको छ । नयाँ भाडादर कात्तिक १ गतेदेखि लागू हुनेछ।