देशभर थपिए १५११ कोरोना संक्रमित, मृतकको संख्या ११ हजार नाघ्यो

नेपालमा कोरोना संक्रमणका कारण ज्यान गुमाउनेको संख्या ११ हजार नाघेको छ ।

पछिल्लो २४ घण्टामा कोरोनाबाट ११ जनाको मृत्यु भएसँगै कुल संक्रमित मृतकको संख्या ११ हजारभन्दा बढी पुगेको हो ।

स्वास्थ्य तथा जनसंख्या मन्त्रालयले बिहीबार अद्यावधिक गरेको विवरणअनुसार हालसम्म ११ हजार २ जनाक‌ो मृत्यु भएको हो ।

बिहीबारको विवरणअनुसार पछिल्लो २४ घण्टामा १५ हजार १७९ जनाको पिसिआर तथा एन्टिजेन परीक्षण हुँदा १ हजार ५११ जना कोरोना संक्रमित भेटिएका छन्।

पछिल्लो २४ घण्टामा १ हजार ६८९ जना निको भएर कुल निको हुनेको संख्या ७ लाख ४५ हजार २१५ जना पुगेको छ।

हाल २५ हजार ७७२ जना सक्रिय संक्रिय संक्रमित छन्।

त्यस्तै हालसम्म १ लाख १० हजार ८९९ जनालाई कोरोनाविरुद्धको भ्याक्सिन लगाइएको मन्त्रालयले जानकारी दिएको छ।