प्रतिनिधिसभा बैठक २९ भदौसम्मका लागि स्थगित

प्रतिनिधिसभा बैठक प्रमुख प्रतिपक्षी दल नेकपा (एमाले) को अवरोधका कारण २९ भदौ सम्मका लागि स्थगन भएको छ ।

आजको बैठक सुरु हुनेबित्तिकै एमालेका सांसदहरुले नाराबाजी गर्दै अवरोध गरेका थिए । एमालेले यस अधिवेशनको प्रारम्भदेखि नै आफ्नो पार्टीले कारवाही गरेका सांसदलाई प्रतिनिधिसभा प्रवेशमा रोक लगाउनुपर्ने मागसहित विरोध गर्दै आएको छ ।

बैठक अवरोधपछि सभामुख अग्निप्रसाद सापकोटाले बैठक सहजरुपमा सञ्चालन गर्नका लागि पटकपटक आग्रह गरेका थिए । एमालेका सांसदको लगातारको बैठक अवरोधपछि सभामुख सापकोटाले बैठक संसद् बैठक आउँदाे मङ्गलबार दिउँसाे १ बजेसम्मका लागि स्थगित गरेका हुन् ।