राष्ट्रपति बाइडेनद्वारा सेप्टेम्बर ११ घटनामा मारिएकाप्रति श्रद्धाञ्जलि व्यक्त

एजेन्सी। अमेरिकी राष्ट्रपति जो बाइडेनले सेप्टेम्बर ११ को आतंकवादी घटनामा मारिएका प्रति श्रद्धाञ्जलि व्यक्त गरेका छन्।

राष्ट्रपति बाइडेनले राष्ट्रका नाममा सम्बोधन गर्दै उक्त हमलापछि त्रास र आतंककाविरुद्ध सृजना भएको एकता र सहकार्यको भावनालाई पुनः जागृत गराउन आह्वान गरेका छन्।

आजभन्दा ठीक २० वर्ष पहिले अमेरिकाले बेहोरेको कुख्यात र अत्यन्त दर्दनाक आतंकवादी हमलाको बेला बाइडेन सिनेटेर थिए ।

राष्ट्रपति बाइडेनले उक्त हमलामा विमानहरू दुर्घटना गराइएको तीन स्थानमा श्रद्धाञ्जलि र सम्मान अर्पण गर्ने तय भएको थियो। तर उनले बीचमै सम्बोधन छोट्याएर अरुलाई कार्यक्रम हस्तान्तरण गरेका थिए।

यसैबीच शुक्रबार अबेर ह्वाइट हाउसबाट रेकर्डेट भाषण जारी गर्दै वास्तविक मूल्यको राष्ट्रिय एकता र बहादुरीको पक्षमा रहन सबैमा आह्वान गरेका छन्।

उक्त कुख्यात घटनापछि राष्ट्रिय एकता र बहादुरी सबै अपेक्षित र अनपेक्षित स्थानमा उत्तिकै महत्त्वपूर्ण रहेको बताएका छन्।

राष्ट्रपति बाइडेनले उक्त घटनापछि आफूले सिकेको सबैभन्दा ठूलो पाठ ‘एकता नै ठूलो शक्ति हो’ भनेका छन्।

शुक्रबारराति राष्ट्रपति बाइडेन ९-११ को घटनाको स्मरणमा न्युयोर्क पुगेका थिए। यहाँको आकाशमा बत्तिहरू दुःख व्यक्त गर्ने किसिमले सजाइएका थिए । उक्त अवसरमा जुम्ल्याहा ट्रेड टावरहरू त्रस्त देखिएको दृष्य टेलिभिजनमा देखाइएका थिए।