सरकारद्वारा १६ खर्ब ३२ अर्ब ८३ करोडको संशोधित बजेट पेस

काठमाडौं । सरकारले चालु आर्थिक वर्षका लागि १६ खर्ब, ३२ अर्ब, ८३ कराेडकाे नयाँ संशोधित बजेट ल्याएको छ।

अघिल्लो सरकारले गत १५ जेठमा ल्याएको बजेटलाई परिमार्जन गर्दै नयाँ बजेट ल्याएको हो।
अर्थमन्त्री जनार्दन शर्माले शुक्रबार प्रमुख विपक्षी दलको नाराबाजीबीच संसदमा बजेट अध्यादेश प्रतिस्थापन विधेयक प्रस्तुत गरेका हुन्।

अघिल्लो सरकारले अध्यादेशमार्फत ल्याएको बजेट अंकलाई समेत परिमार्जन गरिएको छ । सरकारले १६ खर्ब ३२ अर्ब ८३ करोड रुपैयाँको बजेटको प्रतिस्थापन विधेयक ल्याएको हो।

अर्थमन्त्री शर्माले बजेटमार्फत ऋणको लक्ष्य ३७ अर्बले घटाएका छन् ।