ब्रिक्स सम्मेलनको अध्यक्षता मोदीले गर्ने

एजेन्सी। भारतीय प्रधानमन्त्री नरेन्द्र मोदीले आगामी बिहीबार भर्चुअल माध्यमबाट आयोजना हुने १३औं ब्रिक्स शिखर सम्मेलनको अध्यक्षता गर्ने भारतले घोषणा गरेको छ ।

शिखर सम्मेलनमा ब्राजिल, रुस, चीन र दक्षिण अफ्रिकाका नेताले सहभागिता जनाउनेछन्।

ब्रिक्स शिखर सहयोगमा निरन्तरता र सहमतिको लागि भारतले बहुपक्षीय प्रणालीमा सुधार, आतंकवादको प्रतिरोध,दिगो विकास लक्ष्य हासिल गर्नका लागि डिजिटल र टेक्नोलोजी उपकरणको प्रयोग गरी जनताको आदानप्रदान बढाउने गरी चार प्राथमिकता क्षेत्रको रूपरेखा बनाएको जनाइएको छ।

सम्मेलनमा कोभिड–१९ महामारीको प्रभाव र वर्तमान अवस्था तथा क्षेत्रीय मुद्दामा पनि छलफल हुने बताइएको छ ।