राष्ट्रपतिद्वारा भदाै २३ गते संसद अधिवेशन आह्वान

काठमाडाैं। राष्ट्रपति विद्यादेवी भण्डारीले संसद अधिवेशन भदाै २३ गते आह्वान गरेकी छन्।

नेपाल सरकार मन्त्रिपरिषद् बैठकले गरेको सिफारिस अनुसार राष्ट्रपति भण्डारीले संघीय संसद्का दुवै सदनको अधिवेशन भदौ २३ गते बुधवार अपराह्न ४ बजे बस्ने गरी आह्वान गरेकी हुन् ।

सो अधिवेशनमा सरकारले यसअघि ल्याएको राजनीतिक दल विभाजनसम्बन्धी अध्यादेश प्रस्तुत हुनेछ ।

आगामी अधिवेशनमा सरकारले अध्यादेशमार्फत् ल्याएको बजेटको प्रतिस्थापन गर्ने विधेयक पनि समेत ल्याउने तयारी गरेको छ ।

शनिबार बिहान प्रधानमन्त्री शेरबहादुर देउवाले संसद् अधिवेशन बोलाउनेबारे सभामुख अग्नि सापकोटासँग परामर्श गरेका थिए।

यस्तै सत्ता साझेदार दल नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधव नेपालसँगको छलफलपछि बसेको मन्त्रिपरिषदको बैठकले संसद अधिवेशन आह्वानका लागि सिफारिस गरेको थियो।