देशभर २ हजार संक्रमित थपिए, २० को मृत्यु

नेपालमा पछिल्लो २४ घण्टामा २ हजार ५२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १४ हजार ९३५ जनाको पीसीआर र एन्टीजेन परीक्षणमा २ हजार ५२ जनामा संक्रमण पुष्टि भएको हो।

आज १० हजार ६१२ जनाको पीसीसार परीक्षण गर्दा एक हजार ६४८ र चार हजार ३२३ जनाको एन्टीजेन परीक्षण गर्दा ४०४ जनामा संक्रमण पुष्टि भएको मन्त्रालयले जनाएको छ ।

आज देशभर ३ हजार ३० जना संक्रमित निको भई डिस्चार्ज भएका छन् । पछिल्लो २४ घण्टामा २० जना संक्रमितको मृत्यु भएको छ ।

देशभर ३४ हजार १९९ जना सक्रिय संक्रमित रहेको स्वास्थ्य मन्त्रालयले जनाएको छ ।