माधव नेपाल भन्छन् : छिट्टै मन्त्रिपरिषद् विस्तार हुन्छ

नेकपा (एकीकृत समाजवादी) का अध्यक्ष माधवकुमार नेपालले छिट्टै मन्त्रिपरिषद् विस्तार हुने बताएका छन्।

आइतबार संसदीय दलको बैठकपछि सञ्चारकर्मीलाई संक्षिप्त प्रतिक्रिया दिँदै अध्यक्ष नेपालले मन्त्रिपरिषद् विस्तारका लागि पार्टीहरूभित्र छलफल चलिरहेको र छिटोभन्दा छिटो मन्त्रिपरिषद् विस्तार हुने बताएका हुन्।

‘विस्तार किन रोकिएको भन्ने बारेमा भनिरहनु परेन। विभिन्न पार्टीहरु भित्र छलफल, परामर्श, चलिराछ। सबै आन्तरिक रुपमा पनि कतिपय कामहरुमा जुट्नु भएको छ। कसैको महाधिवेशन छ। कोही पार्टी निर्माणको क्रममा जुट्नुभएको छ। कोही पार्टी विस्तारको क्रममा जुट्नुभएको छ’, उनले भने, ‘यो सबै कारणले गर्दा स्थिति बनेको हो। अब छिट्टै यसको पनि निराकरण हुनेछ। अब छिटो भन्दा छिटो हुन्छ।’