आज कोरोना पुष्टि हुनेभन्दा निको हुने धेरै, २५ को मृत्यु

पछिल्लो २४ घण्टामा देशभर थप २ हजार ६५ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालय ८ हजार ७५२ जनाको पीसीआर परीक्षण गर्दा १ हजार ५७७ र ४ हजार ३६५ को एन्टिजेन परीक्षणमा ४८८ जना गरी २ हजार ६५ जनामा कोरोना संक्रमण देखिएको हो ।

आज काठमाडौंमा ४५४, ललितपुरमा १६९ र भक्तपुरमा ९२ जना संक्रमित थपिएको मन्त्रालयले जनाएको छ ।

यस्तै कोरोना संक्रमणबाट थप २५ जनाको मृत्यु भएको छ । योसहित नेपालमा कोरोना संक्रमणबाट मृत्यु हुनेको संख्या १० हजार ६६३ पुगेको छ ।

त्यस्तै, आज २ हजार ३३७ जना संक्रमणमुक्त भएका छन् । अहिलेसम्म सात लाख आठ हजार २३० जना निको भएका छन् ।

यस्तै आज नेपालमा सक्रिय संक्रमितको संख्या ३७ हजार ५९९ रहेको छ।