चीनले नेपाललाई झण्डै १ अर्ब बराबरको स्वास्थ्य सामग्री दिने

काठमाडौं । चीनले नेपाललाई करिब ९२ करोड रुपैयाँको स्वास्थ्य सामग्री तथा उपकरण सहयोग गर्ने भएको छ ।
परराष्ट्रमन्त्री प्रदीपकुमार ज्ञवालीले कोभिड–१९ महामारी रोकथाम र आर्थिक पुनरुत्थानका लागि क्षेत्रीय र अन्तर्राष्ट्रिय सहकार्य बढाउनुपर्ने बताए ।
चिनियाँ विदेशमन्त्री वाङ यीले नेपाल, पाकिस्तान, बंगलादेश, अफगानिस्तान र श्रीलंकाका विदेशमन्त्रीसँगको छलफलमा नेपाललाई कोरोना महामारीविरुद्धको लडाइमा सो सहयोगको घोषणा गरेका हुन् ।