थप ३,१०८ जनामा कोरोना संक्रमण पुष्टि,२५ जनाको मृत्यु

काठमाडौं। देशभर पछिल्लो २४ घण्टामा थप ३ हजार १०८ जनामा कोरोना भाइरस (कोभिड-१९) को संक्रमण पुष्टि भएको छ।

यस्तै पछिल्लो २४ घन्टामा कोरोनाबाट २५ जनाको मृत्यु भएको स्वास्थ्य तथा जनासंख्या मन्त्रालयले जनाएको छ । सोही अवधिमा १ हजार ५९५ जना निको भएका छन्।

योसँगै नेपालमा कोरोना संक्रमितको कुल संख्या ६ लाख ७० हजार ९९३ पुगेको छ। तीमध्ये ९ हजार ६०७ जनाको मृत्यु भएको छ भने ६ लाख ३४ हजार ९२७ जना संक्रमणमुक्त भएका छन्।

हाल देशभर सक्रिय संक्रमित २६ हजार ४१९ जना रहेका छन्। जसमध्ये २३ हजार ८३४ जना होम आइसोलेसनमा छन् भने २ हजार ५८५ जना संस्थागत आइसोलेसनमा छन्। संक्रमितमध्ये ५९२ जना आईसीयू र १७२ जना भेन्टिलेटरमा छन्।