आजै विश्वासको मत लिने प्रधानमन्त्री देउवाको तयारी

प्रधानमन्त्री शेरबहादुर देउवाले आजै विश्वासको मत लिने तयारी गरेका छन् । सर्वोच्च अदालतको आदेशपछि पहिलो पटक आज संसद बैठक बस्दै‌ छ । अदालतको आदेशबाट प्रधानमन्त्री बनेका देउवाले आज विश्वासको मत लिने तयारी गरेका हुन् ।

सर्वोच्चले २८ असारमा पुनर्स्थापना गरेको थियो । सर्वोच्चकै परमादेशअनुसार संविधानको धारा ७६(५) अनुसार प्रधानमन्त्री नियुक्त भएका देउवाले संवैधानिक व्यवस्थाअनुसार ३० दिनभित्र विश्वासको मत लिर्छ ।

थिलो गर्दा एमाले एक हुनसक्ने आकलन गर्दै देउवाले आज विश्वासको मत लिने तयारी गरेको उनी निकट स्रोतको भनाइ छ ।

सत्तारुढ कांग्रेसका ६१, माओवादी केन्द्रका ४९ सांसद छन् भने जसपाको उपेन्द्र यादव पक्षमा १७ र राष्ट्रिय जनमोर्चाका एक सांसद छन् । यो सबै मत आउँदा पनि २७१ सदस्यीय प्रतिनिधिसभामा बहुमतका लागि आवश्यक १३६ मध्ये देउवालाई ८ मत पुग्दैन ।

एमालेको माधवकुमार नेपाल समूहले मत दिने सम्भावना छ । संविधानको धारा ७६(५) अनुसार देउवाले प्रधानमन्त्री दाबी गर्दा पनि नेपाल समूहका २६ सांसदले साथ दिएका थिए ।