१२ वर्षपछि प्रधानमन्त्री निवासबाट बाहिरिए नेतान्याहु

एजेन्सी। इजरायलका निवर्तमान प्रधानमन्त्री बेन्जामिन नेतान्याहुले झण्डै १२ वर्षपछि प्रधानमन्त्रीको सरकारी निवास छोडेका छन्। जेरुसेलमको बाल्फोर सडकमा रहेको प्रधानमन्त्री निवास उनले खाली गरेका हुन्।

प्रधानमन्त्री निवासबाट नेतान्याहुको सपरिवार बहिर्गमनको विषयलाई स्थानीय सञ्चार माध्यमहरुले महत्वका साथ प्रकाशन तथा प्रसारण गरेका छन्।

प्रधानमन्त्री निवासबाट केही सामानहरुसहित ट्रकहरु बाहिरिएको स्थानीय सञ्चार माध्यमहरुले जनाएका छन्। ती ट्रकहरु शनिबार बेलुकादेखि नै बाहिरिएको देखिएको थियो।

प्रधानमन्त्रीबाट पदमुक्त भएपछि अहिले उनी देशको प्रमुख विपक्षी दलको नेता बनेका छन्। प्रधानमन्त्री निवासबाट निस्केपछि उनी शाब्बातमा रहेको उनकै आफ्नै घरमा बस्न थालेका छन्।

प्रधानमन्त्री पदबाट मुक्त भएको झण्डै एक महिनापछि उनी प्रधानमन्त्री बस्ने सरकारी निवासबाट बाहिरिएका हुन्।

नफ्ताली बेन्नेटले जुन १३ मा प्रधानमन्त्रीको जिम्मेबारी सम्हालेका थिए।