देशभर थप १,८७५ जनामा कोरोना पुष्टि, २९ जनाको मृत्यु

काठमाडौं। देशभर पछिल्लो २४ घन्टामा १ हजार ८७५ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयकाका अनुसार ५ हजार ३७४ पीसीआर परीक्षणमा १ हजार २१८ जना र ५ हजार १३० एन्टिजेन परीक्षणमा ६५७ गरी १ हजार ८७५ जनामा कोरोना भाइरसको संक्रमण देखिएको हाे ।

यस्तै पछिल्लो २४ घन्टामा कोरोना संक्रमणबाट २९ जनाको मृत्यु भएको छ भने १ हजार २८६ जना निको भएका छन्।

योसँगै नेपालमा कोरोना संक्रमितको कुल संख्या ६ लाख ५१ हजार ३८० पुगेको छ भने ९ हजार ३२० जनाको मृत्यु भएको छ ।