२३ सयमा कोरोना पुष्टि, ३ हजारले जिते काेराेना

काठमाडाैं । नेपालमा पछिल्लोझ २४ घण्टाको अवधिमा थप २ हजार ३२८ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १० हजार १३३ नमुनाको पीसीआर तथा एन्टिजेन विधिबाट परीक्षण गर्दा सो संख्यामा संक्रमित थपिएका हुन् ।

त्यस्तै आज ३ हजार ६६ संक्रमित निको भएर डिस्चार्ज भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ६ हजार ६६६ पुगेको छ ।

नेपालमा थप १९ संक्रमितको मृत्यु भएको स्वास्थ्य मन्त्रालयले पुष्टि गरेको छ । योसँगै कोरोनाबाट ज्यान गुमाउनेको संख्या ९ हजार ११८ पुगेको छ ।