देशभर थप २ हजार ७६० जनामा कोरोना, ३३ जनाको मृत्यु

काठमाडौं। देशभर पछिल्लो २४ घण्टामा २ हजार ७६० जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ७ हजार १३० जनामा गरिएको पीसीआर परीक्षणमा १ हजार ८५७ र ३ हजार ८५५ जनामा गरिएको एन्टिजेन परीक्षणमा ९०३ जना गरी २ हजार ७३० जनामा संक्रमण पुष्टि भएको हो।

योसँगै नेपालमा कोरोना संक्रमितको कुल संख्या ६ लाख ४० हजार ६६२ पुगेको छ। सक्रिय संक्रमितको संख्या ३१ हजार ३६८ जना रहेको छ।

पछिल्लो २४ घण्टामा ४ हजार १७ जना कोरोना भाइरस संक्रमणमुक्त भएका छन् भने कोरोना संक्रमणका कारण ३३ जनाको मृत्यु भएको छ।