पुर्व विद्यार्थी विशेषज्ञ डाक्टरहरुद्वारा तम्घासको अर्जुन आवासीय माध्यमिक विद्यालयमा नि:शुल्क स्वास्थ्य शिविर सप्पन्न

गोविन्द भुसाल,बुटवल । गुल्मीको तम्घासमा अर्जुन आवसिय माध्यमिक विद्यालयका पुर्व विद्यार्थी डाक्टरहरुबाट विभिन्न रोगको विशेषज्ञ  सेवा दिने उदेश्यले एक दिने  बृहत निःशुल्क स्वास्थ्य शिविर-२०८१ सम्पन्न भएको छ।

गुल्मी जिल्लाको रेसुङ्गा नगरपालिकामा अवस्थित अर्जुन आवासीय माध्यमिक विद्यालयको सहयोगमा यसै विद्यालयका पुर्व विद्यार्थी डाक्टरहरुबाट एक दिने निःशुल्क स्वास्थ्य शिविर गरिएको हो ।

गुल्मीमा विशेषज्ञ डाक्टरको अभावमा कयौं रोगका बिरामीहरु उपचार गर्न पाल्पा, बुटवल, काठमाडौं जानु पर्ने बाध्यता छ ।

शिबिरमा मुटुरोग विशेषज्ञ , नाक कान घाँटी रोग विशेषज्ञ, बालरोग विशेषज्ञ, लगायतका सेवा राखिएको थियो । जसमा क्रमशः डा. प्रदीपजंग के.सि , डा. प्रकाश बस्नेत , डा. विज्ञान के.सी , डा. हिमाल थापा , डा. कमल पन्थी , स्वास्थ्यकर्मी पारामेडिक्स अन्जु अधिकारी , स्टाफ नर्स रेखा बस्नेद्वारा विद्यालयको प्राङ्गणमै स्वास्थ्यसेवा दिइएको अर्जुन आवासीय माध्यमिक विद्यालयका प्रधानाध्यापक दान बहादुर के.सि ले बताउनुभयो ।

उहाँले यस अर्जुन इङलिस बोर्डिङ स्कुलका पूर्व विद्यार्थी डाक्टहरुले आफ्नो अमुल्य समय हामीलाई दिएर यस विद्यालयमा अध्ययनरत सम्पूर्ण विद्यार्थीहरुको  निशुल्क स्वास्थ्य जाँच गरी अवश्यक सुझाब  सल्लाह र औषधी वितरण गर्नुभएकोमा धन्यवाद समेत दिनुभयो ।

यस्तै एक दिने बृहत नि:शुल्क स्वास्थ शिविरमा विद्यालयका कक्षा नर्सरीदेखि कक्षा दस सम्मका चार सय जना विद्यार्थी र अभिभावकको स्वास्थ्य परिक्षण गरिएको विद्यालयका सहायक प्रधानाध्यापक  विवेकराज पन्थीले जानकारी दिनुभयो ।