

गुल्मी । आगामी चैत्र ५ गतेका लागि तोकिएको स्वतन्त्र विद्यार्थी युनियन (स्ववियु) को निर्वाचनका लागि रुद्रावती बहुमुखी क्याम्पस मुसिकोट नगरपालिका ७ वामीटक्सार गुल्मीमा ४ वटा संगठन दर्ता भएका छन ।
क्याम्पसमा सोमबार विहान १० बजेसम्म स्ववियु निर्वाचनका लागि संघ संगठन र समुह दर्ता गर्ने समय निर्धारण गरिएको थियो । सो समयमया क्याम्पसमा रहेका विभिन्न ४ वटा संगठन दर्ता भएको निर्वाचन अधिकृत लिलाधर घिमिरेले जानकारी दिनुभयो ।
घिमिरेका अनुसार गिता गैरेले नेपाल विद्यार्थी संघ, कर्ण नेपालीले अनेरास्ववियू छैठौँ, शोभा थापाले अनेरास्ववियू र सचिना नेपालीले अखिल क्रान्तिकारी दर्ता गरेका छन ।
निर्वाचन समितिले केन्द्रीय निर्वाचन कार्यतालिका अनुसार नै सोमबार संघ संगठन दर्ता गरेको र अन्य तालिकाका विषयमा मंगलबार संगठन विच बैठकमा छलफल गरिने बताएको छ ।
त्रिभुवन विश्वविद्यालयले निकालेको केन्द्रीय निर्वाचन तालिका अनुसार फागुन २१ गते मतदाता सूची प्रकाशित गर्ने र फागुन २५ मा मतदाता सूची उपर दाबी विरोध गर्ने समय रहेको छ । त्यसैगरी फागुन २५ गते नै मतदाता सूची उपर दाबी विरोधको छानबिन गरी अन्तिम नामावली प्रकाशित गर्ने कार्यतालिका रहेको छ ।
फागुन २६ गते उम्मेदवारका लागि मनोनयनपत्र वितरण हुनेछ । प्रत्यक्ष र समानुपातिक दुवै तर्फको उम्मेदवारको मनोनयन पत्र नामावली दाखिला गर्ने समय फागनु २७ लागि तोकिएको त्रिविको सूचनामा उल्लेख छ । सोही दिन नै दुवै तर्फको उम्मेदवारको नामावली प्रकाशित गर्ने कार्यतालिका रहेको छ ।
दुवै तर्फको उम्मेदवारको नामावली उपर दाबी विरोध गर्ने २८ फागुनका लागि तोकिएको छ । त्यसैगरि उम्मेदवारको नाम फिर्ता लिने अन्तिम समय २९ फागुन तोकिएको छ । सोही दिन उम्मेदवारको अन्तिम नामावली प्रकाशित हुनेछ । मतदान चैत ५ गते बिहान ८ बजेदेखि अपराह्न ४ बजेसम्म हुने निर्वाचन कार्यतालिकामा उल्लेख गरिएको छ ।
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
