![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2021/10/cholendra-supreme-court_4qtXji2Tij.jpg)
स्थानीय तहको चुनावविरुद्ध परेको रिट निवेदन दरपिठ (दर्ता गर्न नमिल्ने) आदेश गरेको छ । सर्वोच्च अदालत प्रशासनले बिनाआधारको रिट निवेदन भन्दै दरपिठ गरिदिएको हो ।
सरकारले स्थानीय तहको चुनाव २०७९ वैशाख ३० मा एकैचरणमा हुने घोषणा गरेपछि त्यसविरुद्ध रिट निवेदन दर्ताका लागि पेस गरिएको थियो ।
रिट निवेदनमा पछिल्लोपटक चुनाव भएका जनप्रतिनिधिको ६ महिना कार्यकाल पूरा नहुने दाबीसहित वैशाखमा चुनाव नगर्न माग गरिएको थियो ।
महोत्तरी भंगाहाका सञ्जीवकुमार साहले निवेदनमा पछिल्लोपटक २०७४ असोजमा भएको स्थानीय तहको चुनावबाट निर्वाचित जनप्रतिनिधिको कार्यकाल २०७९ असोजसम्म हुनुपर्ने माग गरेका थिए ।
२०७४ सालमा वैशाख ३१, असार १४ र असोज २ मा गरी तीन चरणमा स्थानीय तहको चुनाव भएको थियो । अहिले सरकारले वैशाख ३० मा तोकेको स्थानीय तहको चुनाव संविधानसँग बाझिएको दाबी उनले गरेका थिए ।
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)