![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2022/02/272987047_476703153819881_2464626884376616305_n.jpg)
मौरिससविरुद्ध नेपालले लगातार दोस्रो जीत निकालेको छ । संघर्षपूर्ण खेल र नेपाली क्याप्टेन किरण चेम्जोङ उत्कृष्ठ गोल रक्षाको कारण नेपालले जीत निकालेको हो ।
खेलको पहिलो हाफमा नेपालले गरेको एक गोल नै निर्णायक बनेको हो । खेलको १० औँ मिनेटमा सुजल श्रेष्ठले गोल गरेका थिए ।
दोस्रो हाफ भने निकै तनावपूर्ण भएको थियो । ७० औं मिनेटमा मौरिससका खेलाडीले नेपाली खेलाडी अन्जन विष्टलाई फल गरेपछि तनाव बढ्यो । तनाव झन बढेपछि रेफ्रीले नेपाल र मौरिससका एक एक खेलाडीलाई रातो कार्ड दिए ।
१० – १० खेलाडीमा सीमित दुवै टिमको खेल सुरु भएको केही मिनेटमै फेरि मौरिससका खेलाडीले रातो कार्ड पाए । मौरिसस ९ खेलाडीमा सीमित भयो ।
यसअघि गत शनिबार भएको पहिलो मैत्रीपूर्ण खेल पनि नेपालले १–० ले जितेको थियो । सो खेलमा विमल घर्तीमगरले गोल गरेका थिए ।
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)