![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2021/09/pradeep-poudel.jpg)
काठमाडौँ – नेपाली कांग्रेसका युवा नेता प्रदीप पौडेल सभापति शेरबहादुर देउवाकै प्यानलबाट १४औँ महाधिवेशनमा महामन्त्री पदमा चुनाव लड्ने भएका छन् । पूर्वमहामन्त्री कृष्णप्रसाद सिटौला समूहका नेता पौडेललाई आफ्नो समूहबाट महामन्त्रीको उम्मेदवार बनाउन देउवा राजी भएका हुन् । केहीबेरअघि मात्रै देउवा र सिटौलाले पौडेललाई महामन्त्री बनाउने सहमति गरेका हुन् ।
पौडेललाई महामन्त्रीमा देउवा समूहले सहयोग गर्ने सहमति गरेका सिटौलाले सहमतिमा सभापति देउवालाई सहयोग गर्ने पनि बताएका छन् । १३औँ महाधिवेशनमा सिटौला सभापतिको उम्मेदवार थिए । तर, पछि दोस्रो चरणमा देउवालाई नै सहयोग गरेका थिए । १४ औँ महाधिवेशन स्थलमै देउवा र सिटौलाबीच सहमति भएको हो । देउवासँग सहमति भएपछि सिटौलाले पौडेललाई फोन गरेर जानकारी गराएका थिए ।
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)