![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2021/11/Australia.jpg)
काठमाडौं । आईसीसी टी–२० विश्वकप क्रिकेट अन्तर्गत आज भएको खेलमा अस्ट्रेलिया विजयी भएको छ ।
अस्ट्रेलियाले बंगलादेशलाई ८ विकेटले पराजित गरेको हो । बंगलादेशले दिएको ७४ रनको सामान्य लक्ष्य अष्ट्रेलियाले ६.२ ओभरमा २ विकेट गुमाएर भेट्टायो ।
अष्ट्रेलियाका लागि डेभिड वार्नरले १८ र आरोन फिन्चले ४० रन जोडे । मिचेल मार्स १६ रनमा अविजित रहे ।
बंगलादेशका तास्किन अहमेद र सोरफुल इस्लामले समान १–१ विकेट लिए ।
यसअघि पहिले ब्याटिङ गरेको बंगलादेशले १५ ओभरमा अलआउट हुँदै ७३ रन मात्र बनाउन सक्यो ।
बंगलादेशका लागि ओपनर मोहमद नइमले १७, समिम हुसेनले १९, महमुदुल्लाहले १६ रन बनाउनु बाहेक अन्य खेलाडीले दोहोरो अंकको स्कोर छुन सकेनन् ।
अस्ट्रेलियाका लागि एडम जाम्पाले ४ ओभर बलिङ गर्दै १९ रन खर्चिएर ५ विकेट लिए ।
मिचेल स्टार्क र जोस हेजलवुडले समान २–२ विकेट तथा ग्लेन म्याक्सवेलले १ विकेट हात पारे ।
योसँगै बंगलादेश सुपर १२ का सबै खेलमा पराजित हुँदै प्रतियोगिताबाट घर फर्किएको छ ।
अस्ट्रेलियाले भने यो जितसँगै सेमिफाइनल पुग्ने सम्भावना कायम राखेको छ । समूह १ मा साउथ अफ्रिका र अष्ट्रेलियाको समान ४ अंक छ ।
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)