![](https://forwardkhabar.com/wp-content/uploads/2024/08/Rabi-Lamichhane2024-1-80x100.jpg)
![](https://forwardkhabar.com/wp-content/uploads/2021/04/Kp-oli.jpg)
पूर्वप्रधानमन्त्री तथा प्रमुख प्रतिपक्ष एमालेका अध्यक्ष केपी शर्मा ओलीले वर्तमान सत्तारुढ गठबन्धन ‘प्रतिक्रियावादी र प्रतिगामी’ भएको आरोप लगाएका छन् ।
शनिबार थापाथलीस्थित केन्द्रीय कार्यालयबाट भर्चुअल रूपमा देशभरका ६ हजार ७४३ वटा वडाहरूको अधिवेशनलाई उद्घाटन गर्दै ओलीले पाँच दलीय गठबन्धन प्रतिक्रियावाद, कम्युनिष्ट आन्दोलन विरोधी, कम्युनिष्ट पार्टी फुटाउने र प्रतिगामीका पाउमा सेवा चढाउन बनेको बताएका हुन् ।
प्रतिक्रियावादी शक्ति आफूहरुका विरुद्ध आइलागेको भन्दै ओलीले त्यसलाई चिरेर अघि बढ्नुपर्ने बताए । विस्तारै विस्तारै प्रणाली कमजोर पार्ने काम भइरहेको ओलीको भनाइ छ ।
‘प्रतिगामी शक्ति गठबन्धनका नाममा आइरहेको छ । भ्रम र द्विविधामा रहनुपर्दैन । यो देशलाई अस्थिरतामा धकेल्ने र अग्रगमन हुन नदिने काम हो,’ उनले भने,‘ यो विपरीत बाटो हो । प्रतिगमनको बाटो हो । जनताको सार्वभौमसत्ताको अपव्याख्या गर्ने काम भइरहेको छ ।’
फर्वाडखबर डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउन वा 9867415506/9847728821 फोन गर्न सक्नुहुने छ ।
![Avatar photo](https://forwardkhabar.com/wp-content/uploads/2023/07/cropped-unnamed-96x96.jpg)