बाढीका कारण सुनसरीमा ३ जनाको मृत्यु, ६ जना बेपत्ता

सुनसरी। सुनसरीमा बुधबार बाढीपहिरोमा परी ३ जनाको मृत्यु भएको छ भने छ बेपत्ता भएका छन् ।

मृत्यु हुनेमा धरान–६ का ७२ वर्षीय विष्णु सुनार, इटहरी–३ का चन्द्रमणि काफ्ले र धरान–११ का भोगेन्द्र राई रहेको सुनसरी प्रहरीले जनाएको छ।

त्यसैगरी बाढीमा परेर ६ जना बेपत्ता भएको प्रहरीले जनाएको छ ।

बेपत्ता हुनेमा इटहरी–२ का रोशन बुढाथोकी, इटहरी–७ का कैलाश मण्डल, इटहरी–२ का योगेन्द्र तिवारी, इटहरी–३ का राजकुमार राई, इटहरी–९ का विनोद पराजुली र भोक्राहा नरसिंह गाउँपालिका–७ का कलर मण्डल रहेका छन्।