देशभर २७२ संक्रमित थपिँदा ७७७ जना भए निको, आठको मृत्युु

नेपालमा पछिल्लो २४ घन्टामा २७२ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ४ हजार ७१२ जनाको पिसिआर र एन्टिजेन परीक्षण गर्दा सो संख्यामा संक्रमित थपिएका हुन् ।

आज ८ जना संक्रमितको मृत्यु भएको छ । योसँगै नेपालमा ज्यान गुमाउनेको सङ्ख्या ११ हजार २७७ पुगेको छ ।

आज ७ सय ७७ जनाले कोरोनालाई जितेर घर फर्किएका छन्। नेपालमा कूल सङ्क्रमितमध्ये ७ लाख ७९ हजार ९३१ जना सङ्क्रमणमुक्त भइसकेका छन् । नेपालमा निको हुने दर ९६.९ प्रतिशत रहेको छ ।

हाल देशभर १३ हजार ३ सय ८ जना सक्रिय संक्रमित रहेको मन्त्रालय जनाएको छ । यसमध्ये १२ हजार २५० जना होम आइसोलेसन छन् भने १ हजार ५८ जना संस्थागत आइसोलेसन छन् ।