देशभर थपिए ७९२ संक्रमित, १४ जनाको मृत्यु

काठमाडौं । देशभर पछिल्लो २४ घण्टामा ७९२ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयमा अनुसार ७ हजार ६० पीसीआर परीक्षण गर्दा ६९१ जना र २ हजार ५५९ एन्टिजेन परीक्षण गर्दा १०१ गरी ७९२ जनामा कोरोना भाइरसको संक्रमण पुष्टि भएको हो।

कोरोना संक्रमणबाट पछिल्लो २४ घण्टामा १४ जनाको मृत्यु भएको छ भने ९१० जना निको भएका छन् ।

योसँगै नेपालमा कोरोना संक्रमितको कुल संख्या ८ लाख ३ हजार ५५२ पुगेको छ भने ११ हजार २५७ जनाको मृत्यु भएको छ। हालसम्म ७ लाख ७७ हजार ७४१ जना संक्रमणमुक्त भएका छन् ।

स्वास्थ्य मन्त्रालयका अनुसार हाल देशभर १४ हजार ५५४ जना सक्रिय संक्रमित रहेका छन् । जसमध्ये १३ हजार ४५९ जना होम आइसोलेसनमा छन् भने १ हजार ९५ जना संस्थागत आइसोलेसनमा रहेका छन् ।

कोरोनाका बिरामीमध्ये ३०६ जना आईसीयू र १०२ जना भेन्टिलेटरमा उपचाररत् छन् । यस्तै २३१ जना क्वारेन्टिनमा रहेका छन् ।