सर्वोत्तम सिमेन्ट सेयर खरिद विवादमा मुछिएका भीष्मराज ढुङ्गाना बर्खास्त

काठमाडौं । नेपाल धितोपत्र बोर्डका अध्यक्ष भीष्मराज ढुङ्गाना बर्खास्त भएका छन् । आज बसेको मन्त्रिपरिषद् बैठकले ढुङ्गानालाई बर्खास्त गरेको हो ।

यसअघि असोज ११ गतेको मन्त्रिपरिषद् बैठकले ढुङ्गानासँग स्पष्टीकरण सोध्ने निर्णय गरेको थियो । सोहीअनुसार उनले आइतबार स्पष्टीकरण बुझाएका थिए । तर, उनको जवाफमा चित्त नबुझेपछि सरकारले उनलाई बर्खास्त गरेको हो ।

उनी सर्वोत्तम सिमेन्ट सेयर खरिद विवादमा मुछिएका थिए ।