देशभर ६७९ कोरोना संक्रमित थपिँदा १४०५ संक्रमणमुक्त, ७ को मृत्यु

नेपालमा पछिल्लो २४ घण्टामा ६ सय ७९ जनामा कोरोना भाइरसको संक्रमण पुष्टि भएको छ । पछिल्लो २४ घन्टामा

स्वास्थ्य तथा जनसंख्या मन्त्रालयका अनुसार १० हजार ९२० नमूनाको पिसिआर तथा एन्टिजेन परीक्षण गर्दा सो संख्यामा संक्रमित थपिएका हुन् ।

यस्तै पछिल्लो २४ घन्टामा कोरोनाबाट थप ७ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ११ हजार १६४ पुगेको छ ।

मन्त्रालयका अनुसार बुधबार थप १ हजार ४०५ जना कोरोना संक्रमणमुक्त भएका छन् ।

कोरोनाका सक्रिय संक्रमितको संख्या १६ हजार ८०४ पुगेको छ। मन्त्रालयका अनुसार संक्रमित १०४ जनाको भेन्टिलेटरमा र ३३७ जनाको आइसीयूमा उपचार भइरहेको छ ।