कांग्रेसको काठमाडौं महानगर सभापतिमा संस्थापन इतरका नीलकाजी विजयी

काठमाडौं । नेपाली कांग्रेसको काठमाडौं महानगरपालिका नगर सभापतिमा नीलकाजी शाक्य विजयी भएका छन् ।

आइतबार भएको मतदानको मतगणनाअनुसार शाक्यले ७९६ ल्याएर विजयी भएका हुन् ।

उनी पूर्वमहामन्त्री प्रकाशमान सिंह निकट मानिन्छन् । रामचन्द्र पौडेल पक्षका उनलाई गगन थापासहितका नेताले पनि समर्थन गरेका थिए।

संस्थापन समूहका उम्मेदवार प्रगतिमान रञ्जितले ३२९ मत मत पाए । निर्वाचनमा संस्थापन इतर समूहकाे प्यानल नै विजयी भएको हो।

उपसभापतिमा पनि शाक्य प्यानलकै सुशीला ढकाल, सचिवमा सुशन वैद्य र सहसचिवमा विमला लामिछाने निर्वाचित भएका छन् ।