गगनको दाबी : आगामी निर्वाचनमा कांग्रेसले एक्लै बहुमत ल्याउँछ

नेपाली कांग्रेसका नेता गगन थापाले आगामी निर्वाचनमा कांग्रेसले एक्लै बहुमत ल्याउने दाबी गरेका छन् ।

काठमाडौं महानगरपालिकाको कांग्रेस अधिवेशन उद्घाटन समारोहमा बोल्दै केन्द्रीय सदस्य थापाले कांग्रेसले कसैसँग गठबन्धन नगरी एक्लै बहुमत ल्याउने बताएका हुन् ।स्थानीय अधिवेशनले कांग्रेसलाई नयाँ ऊर्जा दिएको नेता थापाले बताए ।

‘१४औं महाधिवेशनबाट पार्टी सुदृढ हुने छ। त्यसपछि हामी कसैसँग मिलेर होइन एक्लै लडेर चुनाव जित्ने छौं। कांग्रेस एक्लै चुनावमा जाँदा पनि बहुमत ल्याउँछ’ उनले भने कम्युनिष्ट, मधेसवादी वा राप्रपा कसैसँग मिल्ने होइन ।कांग्रेसले आगामी निर्वाचनमा कसैसँग गठबन्धन गर्दैन ।’

उनले कांग्रेस अहिलेको अवस्थामा चलिरहे जनतालाई भरोसा गर्न नसक्ने उनको भनाइ छ । अहिलेकै अवस्थामा कांग्रेसले देशको नेतृत्वको गर्न नसक्ने भन्दै पार्टीभित्र शुद्धीकरण आवश्यक भएको उनले औंल्याए ।