विराटनगर अदालतको गेटअघि व्यवसायीमाथि खुकुरी प्रहार

उच्च अदालत विराटनगरको गेटअगाडि एक युवकमाथि खुकुरी प्रहार गरिएको छ । अदालतको गेटअगाडि युवा व्यवसायी ३२ वर्षीय कमलसिंह रानामाथि आईतबार दिउँसो सवा १२ बजेतिर खुकुरी प्रहार भएको प्रहरीले जनाएको छ।

खुकुरी प्रहारबाट घाइते भएका रानाको विराटनगरस्थित विराटनगर अस्पतालमा उपचार भइरहेको छ ।

विराटनगरस्थित वरिष्ठ अभिवक्ता सुरेशलाल श्रेष्ठको ल-फर्मबाट निस्किएर उच्च अदालतको गेटअगाडि पुगेपछि लामामाथि खुकुरी प्रहार भएको प्रहरीले जनाएको छ ।

मोरङ प्रहरीका प्रवक्ता डीएसपी दीपक श्रेष्ठका अनुसार खुकुरी प्रहारबाट लामाको हात, पेट लगायत शरीरका विभिन्न भागमा चोट लागेको छ ।

घटनामा संलग्न भएको आरोपमा विराटनगरका विमल कार्की पक्राउ परेका छन् । प्रहरीले घटनाबारे थप अनुसन्धान अघि बढाएको जनाएको छ ।