सुदूरपश्चिममा नेकपा एसका नेता तामाङ अर्थमन्त्रीमा नियक्त, राज्यमन्त्री बनिन् माया

काठमाडाैं। सुदूरपश्चिम प्रदेशका मुख्यमन्त्री त्रिलोचन भट्टले मन्त्रिपरिषद पुनर्गठन गरेका छन्। उनले आर्थिक मामिला तथा योजना मन्त्रीमा नेकपा एकीकृत समाजवादीका तारालामा तामाङ र राज्यमन्त्रीमा माया तामाङ बोहरालाइ नियुक्त गरेका हुन्।

उनीहरूले शुक्रबार साँझ प्रदेश प्रमुखको कार्यलयमा शपथ ग्रहण गरेका छन्। प्रदेश प्रमुख गंगाप्रसाद यादवले आर्थिक मामिला तथा योजना मन्त्री तामाङलाई र मुख्यमन्त्री भट्टले राज्यमन्त्री बोहरालाई शपथ खुवाएका छन् ।

भदौ २२ गते एमालेका अर्थमन्त्री प्रकाशबहादुर शाह र अर्थ राज्यमन्त्री अर्चना गहतराजले पदबाट राजीनामा दिएपछि पद रिक्त थियो ।