देशभर थपिए ९११ जना कोरोना संक्रमित, १,४२३ जना निको भए

काठमाडौं। देशभर पछिल्लो २४ घण्टामा ९११ जना कोरोना भाइरस संक्रमित थपिएका छन्।

स्वास्थ्य तथा जनसंख्या मन्त्रालयकाअनुसार ७ हजार ८७८ नमुनाको पीसीआर परीक्षण गर्दा ८३८ जना र ३ हजार १४० नमुनाको एन्टिजेन परीक्षणमा ७३ जनामा संक्रमण पुष्टि भएको हो।

पछिल्लो २४ घण्टामा १ हजार ४२३ जना संक्रमणमुक्त भएका छन् भने १३ जनाको मृत्यु भएको छ।

योसँगै नेपालमा कोरोना संक्रमितको कुल संख्या ८ लाख ६३ हजार ८५७ पुगेको छ भने १० हजार ९४९ जनाको मृत्यु भएको छ।