देशभर थपिए १,८९७ जना संक्रमित, १,७४३ जना संक्रमणमुक्त

काठमाडौं । देशभर पछिल्लो २४ घण्टामा १ हजार ८९७ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ११ हजार ६ सय ९ पीसीआर परीक्षणमा १ हजार ४८८ जना र ४ हजार ३७० एन्टिजेन परीक्षणमा ४ सय ९ गरी १ हजार ८९७ जनामा संक्रमण पुष्टि भएको हो।

यस्तै पछिल्लो २४ घण्टामा कोरोनाबाट २० जनाको मृत्यु भएको छ भने १ हजार ७४३ जना निको भएका छन् ।

हालसम्म नेपालमा कोरोना संक्रमितको कुल संख्या ७ लाख ७० हजार ७७९ पुगेको छ भने १० हजार ८५८ जनाको मृत्यु भएको छ।