देशभर थपिए १६६४ संक्रमित, २० जनाको मृत्यु

नेपालमा पछिल्लो २४ घण्टामा १ हजार ६६४ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १२ हजार २ सय २२ जनामा पिसिआर तथा एन्टिजेन विधिबाट गरिएको परीक्षणमा सो संख्यामा संक्रमण पुष्टि भएको हो ।

योसँगै नेपालमा कोरोना संक्रमितको कुल संख्या ७ लाख ६२ हजार ६४७ पुगेको छ ।

त्यस्तै पछिल्लो २४ घण्टामा १ हजार ७ सय ८६ जना संक्रमणमुक्त भएका छन् ।

त्यस्तै, २० जनाको कोरोनाका कारण मृत्यु भएको मन्त्रालयले जनाएको छ।

आज काठमाडौंमा ४१३, भक्तपुरमा ६४ र ललितपुरमा ८७ जनामा संक्रमण पुष्टि भएको छ ।

हाल देशभर ३५ हजार ५९१ जना सक्रिय संक्रमित रहेको स्वास्थ्य मन्त्रालयले जनाएको छ ।