ट्रोल बन्यो प्रियंकाको फोटो

काठमाडाैं। अभिनेत्री प्रियंका कार्की गर्भवती छिन्। उनले नयाँ वर्षको छेको पारेर आफू गर्भवती भएको सार्वजनिक गरिन्। उनले श्रीमान् आयुष्मान देशराज जोशीसँगको एक तस्विर पोष्ट गर्दै लेखेकी थिइन्- ‘हामी गर्भवती भएका छौँ।’

प्रियंका सोही समयदेखि नै ट्रोलको शिकार बनिन्। कतिपयले आशुष्मान र प्रियंकालाई आधा-आधा समय पेट बोक्ने होर ? भन्दै उडाए । कतिपयले बेलाबेला चिप्लिने प्रियंकाको बोलीलाई लिएर ट्रोल बनाए ।

तर, प्रियंकालाई के डर ? उनले आफ्नो गर्भवती पेट देखाएर निरन्तर फोटो पोष्ट गर्दै आइन् ।

यस्तैमा, प्रियंकाले एउटा जुस पिउँदै गरेको फोटो पोष्ट गरिन्। जसमा उनले मात्र होइन, उनको पोटले पनि जुस पिइरहेको देखाइएको छ । उनको पेटमा एउटा चित्र कोरेर जुस पिइरहेको देखाइएको छ।

उनले आफूसँगै पेटको बच्चाले पनि जुस पिइरहेको संकेत दिन खोजेकी छिन् । त्योसँगै यस्तो समयमा स्वस्थ खानेकुरा खानुपर्ने संकेत गरेकी छिन् । तर, उनको यस फोटोलाई पनि ट्रोल बनाइएको छ।

यस फोटोमा कतिले नकरात्मक प्रतिकृया दिएका छन् भने कतिपयले सकरात्मक र सन्देशमुलक भएको बताएका छन् ।

प्रियंकाको यस फोटो उनी आफैँले कन्सेप्ट बनाएर खिचेकी भने होइनन् । यस्तै फोटो विदेशी सेलिब्रेटीहरुले खिचिसकेका छन् । त्यसैले प्रियंकालाई कपी-पेष्ट गरेको भन्दै गाली समेत गर्नेहरु धेरै छन् ।

प्रियंका आफूलाई नकारत्मक गालीले केही असर नपर्ने बताउँदै आएकी छिन् । उनले भन्ने गरेकी छिन्, ‘नबुझ्नेलाई बुझाउन सकिएला, तर खराब नियत राख्नेलाई बुझाएर काम छैन ।’