लुम्बिनी राजनीति : मुख्यमन्त्रीमा पुन पोखरेल नियुक्त

लुम्बिनी प्रदेशको मुख्यमन्त्रीमा फेरि शंकर पोखरेल नियुक्त छन् । प्रदेश प्रमुख धर्मनाथ प्रसाद साहले आइतबार उनलाई पुनः मुख्यमन्त्रीमा नियुक्त गरेका छन् ।

साहले पोखरेललाई संविधानको धारा १६८ को उपधारा १ बमोजिम प्रदेश मुख्यमन्त्री पदमा नियुक्त गरेकाे उल्लेख गरिएको छ । ।
प्रदेश प्रमुखको कार्यालयका प्रवक्ता चिरञ्जिवी पौडेलले विज्ञप्ति जारी गर्दै नेकपा एमाले लुम्बिनी प्रदेश संसदीय दलका नेता शंकर पोखरेलले आफ्नो नेतृत्वमा नेपालको संविधानको धारा ६८ को उपधारा १ बमोजिम सरकार गठन गर्न प्रदेशसभाका बहुमत सदस्यहरुको हस्ताक्षरसहित प्रदेश प्रमुख समक्ष दावी पेश गरेकाले उनलाई मुख्य मन्त्रीमा नियुक्त गरेका जनाएका छन् ।
तर, उनले एक महिनाभपत्र विश्वासको मत देखाउनु पर्ने हुन्छ । विपक्षी दलहरूको गठबन्धनमा बहुमत पुग्ने दाबी गरिएको छ । एमालेकी सांसद माओवादीमा प्रवेश गरेसँगै यस्तो देखिएको हो ।