आज संक्रमण पुष्टि हुनेभन्दा निको हुने धेरै

नेपालमा पछिल्लो २४ घण्टामा १ हजार ९२० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ९ हजार ४४३ पीसीआर परीक्षणमा गर्दा १ हजार ७०२ जनामा संक्रमण देखिएको हो भने र ३ हजार ७३ एन्टिजेन विधिबाट परीक्षणमा गर्दा २१८ जनाको रिपोर्ट पोजेटिभ आएको हो ।

पछिल्लो २४ घण्टामा कोरोना संक्रमणमुक्त हुनेको संख्या २,२४८ रहेको छ । त्यस्तै संक्रमणबाट मृत्यु हुनेको संख्या २४ रहेको छ ।

पछिल्लो २४ घण्टामा काठमाडौंमा ३९५, ललितपुरमा ११० र भक्तपुरमा ६१ जनामा कोरोना देखिएको छ ।

अहिलेसम्म संक्रमितको संख्या ७ लाख ४७ हजार ४३३ पुगेको छ भने ६ लाख ९८ हजार १७३ निको भएका छन् ।

देशभर अहिसम्म कोरोना कारण १० हजार ५०९ ले ज्यान गुमाएका छन् भने सक्रिय संक्रमित ३८ हजार ७५१ जनमको होम तथा संस्थागत आइसोलेसनमा उपचार भइरहेको छ ।