तालिबान कब्जाको एक साता : खुलेनन् बैंक, छैन एटीएममा पैसा

एजेन्सी। अफगानिस्तानमा एक सातादेखि सम्पूर्ण बैंकको कारोबार ठप्प छ भने एटीएम मेशिनमा समेत पैसा सकिएको छ ।

बैंकिङ कारोबार ठप्प हुँदा त्यहाँका जनताले हैरानी खप्नुपरेको छ । अफगानिस्तानमा यतिबेला एउटा पनि बैंकले काम गरेका छैनन् भने अन्य मनी ट्रान्सफर सेवा दिने कार्यालय समेत बन्द छन्।

त्यसकारण विदेशमा रहेकाले समेत आफ्ना आफन्तलाई पैसा पठाउन सकेका छैनन् ।
आम मानिसहरुसँग भएको पैसा सकिदै गएको छ ।

काबुल र अन्य बाहिरी क्षेत्रमा समेत नगद रकमको अभाव बढेको छ । रकमको अभावमा मानिसहरुले दैनिक उपभोग्य सामग्री खरिद गर्न समेत पाएका छैनन् ।