राष्ट्रपतिद्वारा नारायणहिटी संग्रहालयको अवलोकन

राष्ट्रपति विद्यादेवी भण्डारी नारायणहिटी संग्रहालय पुगेर अवलोकन गरेकी छन् । राष्ट्रपति भण्डारीले शनिबार बिहान नारायणहिटी संग्राहलयमा करिब २ घण्टा बिताएकी थिइन् ।

राष्ट्रपति भण्डारीले अनौपचारिक भ्रमण गरेको नारायणहिटी दरबार संग्रहालयका कार्यकारी निर्देशक भेषनारायण दाहालले बताए । निषेधाज्ञाका कारण सर्वसाधारणका लागि संग्रहालय बन्द रहेको छ ।

संग्रहालयमा राष्ट्रपतिले दरवार हत्याकाण्ड भएको स्थल र राजारानीले फिल्म हेर्ने हलको समेत अवलोकन गरेकी थिइन् ।