चेल्सीले युइएफए सुपर कपकाे उपाधि जित्यो

काठमाडौं। इंग्लिस क्लब चेल्सीले युइएफए सुपर कपको उपाधि हात पारेको छ। स्पेनिस क्लब भियारियललाई पेनाल्टी सुटआउटमा ६-५ ले हराउँदै पश्चिच लण्डन क्लब चेल्सीले सिजनको पहिलो उपाधि जितेको हो।

विन्डाेरस पार्कमा भएकाे खेलकाे निर्धारित ९० मिनेट र थप गरिएको ३० मिनेटकाे खेल १–१ गोलको बराबरीमा सकिएपछि खेलकाे निर्णय पेनाल्टी सुटआउटबाट लिइएकाे थियो।

खेलकाे २७ औं मिनेटमा हाकिम जियाचको गोलबाट चेल्सीले अग्रता लिएको थियो । ७३ औं मिनेटमा जेरार्ड मोरेनाेले भियारियालका लागि बराबरी गाेल गरे।

वैकल्पिक खेलाडीको रुपमा मैदान प्रवेश गरेका केपा अरिजाबालागाले भियारियालका कप्तान राउल अल्बिओल र अईसा मान्डीकाे प्रहार राेकेका थिए।

चेल्सीका काई हाभर्टसकाे पहिलाे पेनाल्टी भियारियलका गाेलकिपर सर्जियाे असेन्जाेले बचाएपनि त्यसपछि चेल्सीका सबै खेलाडीले गोल गरे।