डोरीले बाँधेर बालक कुट्ने वडाध्यक्ष पक्राउ

डोरीले बाँधेर बालकलाई कुटपिट गर्ने जाजरकोटको जुनिचाँदे गाउँपापालिका २ का वडाध्यक्ष रामबहादुर नेपाली पक्राउ परेका छन्।

साउन १५ गते पोषण भत्ता माग्न गएका स्थानीय सर्पे दमाइलाई डोरीले बाँधेर कुटपिट गरेको आरोपमा प्रहरीले उनलाई पक्राउ गरेको हो ।

वडाध्यक्ष नेपालीलाई आवश्यक सोधझपुछका लागि बोलाइएको जिल्ला प्रहरी कार्यालयले जाजरकोटले जनाएको छ । स्थानीय बालकलाई कुटेको भिडियोका आधारमा वडाध्यक्ष्यलाई बोलाइएको जिल्ला प्रहरी कार्यालयका प्रहरी निरीक्षक खुमानन्द पाण्डेले बताए ।

स्थानीय बासिन्दाका अनुसार बुधबार साँझ पञ्चाला प्रहरी चौकीको टोली उनकै घरमा उनलाई पक्राउ गरेको हो। त्यस्तै, बालकलाई पनि सदरमुकाम बोलाइएको प्रहरी निरीक्षक पाण्डेले जानकारी दिए ।

उनीले बालकलाई डोरीले बाँधेर कुटपिट गरेको भिडियो सामाजिक सञ्जालमा भाइरल बनेको थियो । भिडियो बाहिरिएसँगै उक्त घटनाको चौतर्फी विरोध भएपछि प्रहरीले वडाध्यक्ष नेपालीलाई पक्राउ गरेर अनुसन्धान थालेको हो ।