एकै दिन ३,४२१ जना कोरोना संक्रमित थपिए, २५ जनाको मृत्‍यु

काठमाडौं। देशभर पछिल्लो २४ घण्टामा ३ हजार ४२१ जनामा कोरोना संक्रमण पुष्टि भएको छ।

स्वास्थ्य मन्त्रालयका अनुसार १२ हजार २४० पीसीआर परीक्षण गर्दा २ हजार ३९१ र ५ हजार ३२ जनाको एन्टिजेन परीक्षण गर्दा १ हजार ३० गरी ३ हजार ४२१ जनामा कोरोना संक्रमण पुष्टि भएको हो।

यस्तै पछिल्लो २४ घण्टामा कोरोना संक्रमणबाट २५ जनाको मृत्यु भएको छ भने १ हजार ६८६ जना निको भएका छन्।

सोमबार थपिएकासँगै नेपालमा कोरोना संक्रमितको कुल संख्या ६ लाख ८२ हजार ९४७ पुगेको छ। जसमध्ये ९ हजार ७३८ जनाको मृत्यु भएको छ भने ६ लाख ४५ हजार ३०१ जना संक्रमणमुक्त भएका छन्।

मन्त्रालयका अनुसार हाल देशभर सक्रिय संक्रमितको संख्या २७ हजार ९०८ जना रहेका छन्। जसमध्ये २५ हजार ९३ जना होम आइसोलेसनमा छन् भने २ हजार ८१५ जना संस्थागत आइसोलेसनमा रहेका छन्।